{loadnavigation}

Charles d’Orléans (1394-1465)

Yver, vous n’estes qu’un villain

Rondeau

Yver, vous n’estes qu’un villain !
Esté est plaisant et gentil,
En tesmoing de May et d’Avril
Qui l’acompaignent soir et main*.

Esté revest champs, bois et fleurs,
De sa livree de verdure
Et de maintes autres couleurs,
Par l’ordonnance de Nature.

Mais vous, Yver, trop estes plain
De nege, vent, pluye et grezil ;
On vous deust banir en essil**.
Sans point flater, je parle plain,
Yver, vous n’estes qu’un villain !

(*) matin
(**) exil

{loadposition position_orleans_liste}