{loadnavigation}

Charles d’Orléans (1394-1465)

En verrai ge jamais la fin

Rondeau

En verrai ge jamais la fin,
De voz oeuvres, Merancolie ?
Quand au soir de vous me deslie
Vous me ratachez au matin.

J’aimasse mieulx autre voisin
Que vous qui sy fort me guerrie ;
En verrai ge jamais la fin,
De voz oeuvres, Merancolie ?

Vers moy venez en larrecin
Et me robez Plaisance lie ;
Suis je destiné en ma vie
D’estre tousjours en tel hutin* ?
En verrai ge jamais la fin ?

(*) querelle

{loadposition position_orleans_liste}