{loadnavigation}

Étienne de la Boétie (1530-1563)
Recueil : Vingt neuf sonnetz

Ce sont tes yeux tranchans qui me font le courage …

 

Ce sont tes yeux tranchans qui me font le courage.
Je veoy saulter dedans la gaïe liberté,
Et mon petit archer, qui mene à son costé
La belle gaillardise et plaisir le volage;

Mais apres, la rigueur de ton triste langage
Me monstre dans ton coeur la fiere honesteté;
Et, condemné, je veoy la dure chasteté
Là gravement assise et la vertu sauvage.

Ainsi mon temps divers par ces vagues se passe:
Ores son oeil m’appelle, or sa bouche me chasse.
Helas ! en cest estrif, combien ay je enduré !

Et puis qu’on pense avoir d’amour quelque asseurance
Sans cesse, nuict et jour, à la servir je pense,
Ny encor de mon mal ne puis estre assuré.

 

 

{loadposition position_boetie_liste}